මේ සිහින කන්ද පාමුල පොදි බැන්ද හීන කන්දම
මහා වරුසාවක දෙපිලෙම හෝදාගෙන ගිය අන්දම
පීරමින් මතක ගොන්නම මම උඹව හොයන හන්දම
මේ අදත් එදා වාගේම මට උඹ ඇතැරුන අන්දම
|
*
|
ඒ සිහින කන්ද නොදැකම අද කඳුළු ගඟේ දෙඉවුර
අපි හදපු කඳුළු පිරුණම ගඟ ගලයි අපිව නොදැකම
නෙක වර්ණ පිරුණු හීනෙක අපි සුව වින්දේ ප්රේමෙක
ඒ හීන වලින් ඇහැරෙන්නට ඕනෑ නෑ මට සදහට
|
*
|
වෘන්දා වනයේ කෙලවර ඒ ඈත හිමේ සීතක
යමුනා ගංතෙර ඉවුරක පෙම් හීන මවන මොහොතක
අසෝක මල් යහනක මීදුමෙන් වැසුණු සවසක
වස් දඬු වැයෙනා ගීතෙක රාධා ඔබ එහි පදවැල
|
*
|
ලොව නිසසල එක මොහොතක වන අරණක මල් උයනක
සුව විඳින සැන්දෑ යාමෙක ඔබ ඇවිදින් මගේ හීනෙක
නෙක නේක වර්ණ මතකෙක ඔබ නොගිහින් දුර ඈතක
රාධා ඔබේ ළඟ මම ලොවටම රහසින් සදහට
