Tuesday, March 19, 2013

සුවඳ මල් රේණු - ඉමාන් පෙරේරා

සුවඳ මල් රේණු - ඉමාන් පෙරේරා

"සුවඳ මල් රේණු පිස එන
හදු දෙන සිහිල් මඳ නල
නුඹට සමානා...."


මේ ගීතයත් සමඟ ඔහුගේ රුව ඔබේ මතකයට නැගෙනු ඇත. ශ්‍රී ජයවර්ධනපුර විශ්ව විද්‍යයාලයේ "නල මුදු සුවඳ" කලා මංගල්‍යයෙන් සුපිපුණු මේ සුවඳවත් පුෂ්පය ශ්‍රී ලාංකික සංගීත ක්ෂේස්ත්‍රය අස්වද්දන්නට සමත් විය. ඔහු ඉමාන් පෙරේරායි.

"වසන්තයේ මල් සුපිපුණ
සුන්දරතාවය ඉහුරුණ
හද මඬලට කවුදෝ ආවා...."

තිලිණ රුවන් මලලසේකරගේ පද වැල ඒ වසරේ හොඳම ගී පද මාලාව ලෙස සම්මාන ලබද්දී සුදර්මන් රංජිත්ගේ තනුවෙන් සුසැදි මේ ගීතය එදා ඉමාන් ගායනා කළේ නල මුදු සුවඳ වඩ වඩාත් සුවඳවත් කරවමිනි. එහිහ්දී ඔහු හොඳම ගායකයාට හිමි පණ්ඩිත් අමරදේව සම්මානය දිනා ගත්තේය.

එය ඉමාන්ගේ ජීවිතයේ කඩඉමක් බවට පත් විය. කලා ක්ෂේස්ත්‍රයේ දැවැතයන්ගේ ඇසුර ඔහුට එතැන් පටන් හිමි විය. රෝහණ වීරසිංහ, නවරත්න ගමගේ, කුලරත්න ආරියවංශ, යසනාත් ධම්මික බණ්ඩාර, නිලාර් එන් කාසිම්, වසන්ත රෝහණ, කුමාර ලියනගේ, කමලසිරි සඳරුවන්, අචින්ත වැනි අයගේ ඇසුර ඔහුගේ ගමන් මගට ආලෝකයක්ම විය. නිල්වලා ලේබලය යටතේ 2000 වසරේ සිය ප්‍රථම ගීත එකතුව "සුවඳ මල්" නමින් රසිකයන් අතට පත් කිරීමට ඉමාන්ට හැකි වන්නේ මෙවන් වූ ඇසුරක මහඟු ප්‍රතිපල නිසාය.

අම්බලන්ගොඩ ධර්මාශෝක විද්‍යයාලයේ කීර්තිමත් ආදි ශිෂ්‍යයකු වන ඔහුගේ සංගීත ගමන් මගට අඩිතාලම වැටුණේ සිය නිවසින්මය.

"අපේ ගෙදර ඉතාම සොඳුරු සංගීත පරිසරයක් තිබුණා. මගේ පියා දුම් රිය නියාමකවරයකු ලෙස රැකියාව කළා. දැන් ඔහු ජීවතුන අතර නැහැ. මව ගෘහණියක්. මට අයියලා දෙදෙනෙකුයි අක්කා කෙනෙකුයි ඉන්නවා. අපි හැමෝම පුංචි කාලේ එකට ඉඳගෙන සින්දු කිව්වා. පාසලේදී විවේකයක් ලැබෙන හැම අවස්තාවකම යාලුවොත් එක්ක එකතුවෙලා ටින් කැබැල්ලකට බෝතලයකට පොඩි තට්ටුවක් දමමින් ගීත ගායනා කිරීම තමයි එකම විනෝදය වුණේ. පස්සෙ කාලෙක ගමේ පොඩියට සංගීත කණ්ඩායමකුත් හදාගත්තා. ඊට පස්සෙ රටේ ජනතාව මා හඳුන ගත්තෙ "නල මුදු සුවඳ" නිසයි. ඊට පස්සෙ මගේ සුවඳ මල්, ලස්සන නිළියේ, වසන්තයේ මල් වැනි ගීත යාත්‍ර, නඳුන් උයන, නිම්හිම් සර වැනි රූපවාහිනී සංගීතමය වැඩසටහන් නිසා බෙහෙවින් ජනප්‍රිය වුණා."

ඉමාන් මේ වනවිට ටෙලිනාට්‍ය රැසක තේමා ගීත ගායනය කර ඇති අතර මීදුම, කනේරු, සඳ දුරනම්, ගඟ අද්දර කැලේ, අහස සේ නුඹ අනන්තයි වැනි ටෙලි නාට්‍යවල තේමා ගීත ඒ අතරින් විශේෂ වේ. ඔහු චිත්‍රපටයකට පසුබිම් ගායනයෙන් දායක වූයේ දයාරත්න රටගෙදරගේ "නිල් දිය යහන" චිත්‍රපටය සඳහාය.

(දිවයින පුවත්පතට තුෂාරි කලුබෝවිල ලියූ ලිපියකින් උපුටා ගැනුණකි.)

සුවඳ මල් රේණු පිස එන
හාදු දෙන සිහිල් මද නල
නුඹට සමානා...
කුරුළු තුඩු අගින් ගිලිහෙන
මිහිරි මියුරු ගී පද වැල
නුඹේ සිනාවා...

සීත පිණි වදුල සඳවත
මෝදුවී නිශා නුබ ගැබ
අඳුර මකාවා...
නීල විල් දියේ උපදින
කොඳ මලක සුමුදු දළ පෙති
කොපුල් තලාවා...

අරුණ දොරකඩින් නැග‍ එන
උදා හිරු කිරණ හදවත
පුබුදු කරාවා...
නොබා කරලියට දිව යන
හදට පණ පොවන උල්පත්
නුඹේ සිනාවා...

පද: වෛද්‍ය යසනාත් ධම්මික බණ්ඩාර
තනු: නවරත්න ගමගේ
හඬ: ඉමාන් පෙරේරා

Audio: http://www.mediafire.com/?z63ba417fq0kp9u
Video: http://www.youtube.com/watch?v=zVFbK86VAcE

4 comments:

  1. මේ සින්දුව ඇහුවා කියලා මතකයක් නැ

    ReplyDelete
    Replies
    1. මොඅකද බොල මේ හැටි බොරු කියන්නේ?

      Delete
  2. මගේ .ප්‍රියතම. ප්‍රියතම ගීතයක්.... ලියන්න හිතාගෙන හිටියේ ඒ ගැන.. බලනකොට මෙය ලියලනේ

    ReplyDelete
    Replies
    1. උඹ ලියන්න කලින් මම ලිව්වා , මොකෝ නැත්තං අපි මොනවයි ලියන්නේ

      Delete

හිතට දැනෙන දේ ලියලා යන්න

මේ ඕනෑම විදිහකට

Video: Youtube video link

Images: [im]...........................[/im]

scrolling effect: [ma].....................[/ma]

font size: [si="2"]..............[/si]

font color: [co="red"].........................[/co]

centralize the text: [ce]..................[/ce]

scrolling effect in right side: [ma+]......................[/ma+]

box the comment: [box]....................[/box]

mark the comment: [mark].................[/mark]

background effect: [card="blue"].....................[/card]

image to fit the column(100%): [im#]...........................[/im]

Highlight the words: [hi="yellow"].........................[/hi]