හතරරියන් , දෙරියන් , නෙලුම් සහ නියඟලා

හතරරියන් සහ දෙරියන් එකම ගමේ යහළුවන්ය
මේ දෙන්නා කලක පටන් බොහොම එකමුතුයි.


එකමුතු වෙන්න ඕන නැතිය. එහෙම ඒවා අපේ ජාතියේ උත්කෘෂ්ට භාවයට කැළලක්ය. එත් ලඟකදී හතරරියන් සහ දෙරියන් එකම ස්ටේජ්ජුවක දැක්කෙමිය. ඒ නෙලුම් යාය සම්මාන උළෙලේදීය.



ඔය සම්මාන උළෙලේදී මටත් සමානයක් ලබුනෝය. ඒක ලැබුනේ සම්මාන උළෙල සංවිධානය කරපු අජිත් හෙවත් කොළඹ ගමයා නොහොත් කොට අජියා මගේ පාසල් කාලේ සිටම බොක්කේ ෆිට් එකක් නිසා මිස මම ලියපු ලබ්බක් නිසා නොවේය. මට අජියා මුලින්ම හමුවුනේ අටමලාගේ ගෙවල් ළඟ හිටපු ටල් අම්මගේ මොන්ටිසෝරියේදීය. ඒ කාලෙත් අජියා ඔය උසමය .
 හරියටම කිව්වොත් අඩි එකහමාරක් උස හයි හීල්ස් දාපු බට කොස්සිගේ උසමය . ඒ කියන්නේ යන්තං අඩි තුනය.  මට මාතුරුකාව වරදුනෝය . බට කොස්සි සමග දෙරියන් ලා දෙන්නේක්ය. ඔය පස්ස නැති හොල්මනට ලියන්න පුළුවන් කමක් නැතත් එකම උස නිසා අජියා ඒ හොල්මනටත් සම්මානයක් දීලාය.

අජියා ඇතුළු නිව්ස් වෙබ් නඩයට මරා එක්ක මාර තරහක් ඇත. ඒ නිසා මරාට බනින රවී අයියාටත් සම්ම්මානයක් දීලය, රවියා වාන්පතුල් කතා එහෙම තනිකර මරා විරෝධී කතාය. මරාට හොඳටම බැනපු දසයාට තවත් සම්මානයක් දීලය.

සම්මාන දීමේදී කිසිම ක්‍රමවේදයක් නැති බව ඔප්පු වන්නේ අර හාමිනේ ලියන කවි තමුන්ගේ නමින් බ්ලොගේ දාන දම්ගුනේට පලවෙනි තැනම දීපු එකෙන්ය. අනික අර දීලා නංගි හාපැටියා වගේ නිසා කිසිම ලස්සනක් නැති ගීතයක් තේමා ගීතය හැටියට තොරාගෙනය. ඒ මදිවට එයාට සම්මානයකුත් දීලාය.

මට මලම පැන්නේ මාතලන් කියන මනුස්සයට වසරේ බ්ලොග් කරු කියා සම්මානයක් දීපු එකටය. ඔය මනුස්සයා හරියට බාසාව හසුරුවන්නට දන්නේ නැතිය. අර බලෙන්ම මයික් එක උදුරාගෙන උළෙල අල කරපු අලවත්ත මහත්තයා කියපු කතාව හරියට හරිය. මාතලන්ට සම්මාන දෙනවා කියෙන එකෙන්ම මේ සම්මාන උළෙල ප්‍රමිතියක් නැති බව පෙනෙන්නීය .

හැබැයි අර හතර රියන් නාලක ගුණවර්ධන කියන කොලු ගැටයා කතා කොරද්දී මයික් ගලවපු එක හොඳම වැඩෙය. ඒ කොලු ගැටයා ඔය හිටපු දේවත්වයෙන් පිදිය යුතු මාධ්‍ය දෙවිවරුන්ගේ පතුරු ඇරියේය. එක හරිම නාකය. අජිත් පරකුම්ලා වගේ සල්ලිවලට ලියන NGO කාරයෝන්ටත් කතා දීපු එක අන්තිම වැරදිය. මයික් ගලවපු එකමය හොඳ .

හැබැයි මටනම් අල්ලලම ගියේ අර කියුට් අභිරූපන මල්ලියාය. ඌ විවාහයට කලින්ම පතිවත සිඳගෙන හිටපු නිසා පෝරුව උඩදී කලන්තේ දාලා වැටුණි. ඊට පස්සේ අර පඩංගු සජ්ජා බීර කෑන් එකක් උගේ කටේ ඔබා පියවි සිහියට ගන්න ට්‍රයි කොළේය.

වැදගත් ප්‍රවීණ බ්ලොග් කරුවන් තෝරා සම්මාන නොපිදීමේ පාපය අජියලාට පලදුන් බව දැනගෙන අපිටනම් රජ මගුල්ය. කට්ටිය පැමිණ සිටියේ අඩුවෙන් වීම ඊට හේතු වන්නෙමිය. අපේ සිරා ප්‍රබුද්ධ බ්ලොග් අයියලා කියන්නේ නම් බ්ලොගයක ගුණාත්මක භාවය මනින්නේ කමෙන්ට් වලින්වත් හිට්ස් වලින්වත් නොවෙයි අන්තර්ගතයෙන් කියාය. එත් සම්මාන උළෙලේ ගුණාත්මක භාවය ඔළුගෙඩි ගානෙන් මනිනවාය. ඒක එහෙමය. ඒවා ගැන ප්‍රශ්න අහන්ට කාටවත් බැරිය.

ඒ වගත් මෙසේමය... (ඔය කෑල්ල කොපි කරගත්තේ මාතලන්ගෙන්ය. මිනිහත් ඕක කාගෙන හරි කොපි කරගත්තක් විය යුතුය.)

ප.ලි.

නෙලුම් නියඟලා කරන්නට උත්සාහ කරන පිරිස්ද නැතුවා නොවේ. ඒ නිසා පෝර දාන්නට එනවිට දාන්නේ පෝරද ,නෙලුම් නියඟලා කරන හෝමෝන දැයි දැනගැනීම යහපත්ය. අරමුණ වෙන්නට ඕනා සිංහල බ්ලොග් ඔසවා තැබීම මිස පෞද්ගලික ඇජෙන්ඩා උද යැවීම නොවේය.
 සැලෙන්නට එපාය

අර සැහැල්ලුවෙ කුපාඩි සිංහයා ලියු මේ කොමෙටුව තුල සියල්ල අන්තර්ගතව ඇත  . ඒ නිසා අවබෝධයෙන් කටයුතු කල යුතුය.

අර බලෙන් කතා කරපු අයියා කියූ නිසාම බාසාව සහ වියාකරණ ගැන සැලකිල්ලෙන් ලිව්වෙමිය.